தைரியம் தான் எல்லாம் தைரியம் தான் எல்லாம். தைரியத்தை வளர்த்துக் கொண்டால், உலகத்தை எதிர்கொள்ள உங்களுக்கு பெரும்பாலும் வேறு எதுவுமே தேவையில்லை. ஒவ்வொரு வாய்ப்பு கிடைக்கும் போதும் அதை உபயோகித்து பழகுவதால் தான் தைரியத்தை வளர்க்க முடியும்.

அதனால் என்ன என்று சொல்லிக் கொண்டு முன்னோக்கி செல்லுங்கள் நீங்கள் எப்போதும் ஒரு வலிமையான நேர்மறையான மனப்பாங்கு வைத்துக் கொள்ளுங்கள். ஏதாவது ஒரு கெட்ட சம்பவம் நிகழ்ந்தாலோ, அல்லது யாராவது மனம் வருந்தும்படி ஏதாவது சொன்னோலோ, செய்தாலோ, நொறுங்கி விடாதீர்கள்…தைரியமாக இருங்கள்! உங்களுக்குள் “அதனால் என்ன?!!” என்று சொல்லிக் கொண்டு, முன்னோக்கிச் செல்லுங்கள். இன்னல்கள் மேகங்கள் போன்றவை…அவை கடந்துச் சென்று விடும். எல்லாம் காலப்போக்கில் சரியாகி விடும். மனதை குளிர்ச்சியாக வைத்துக் கொள்ளுங்கள்.

ஒரு ஜன்னல் மூடும்போது, ஒரு கதவு திறக்கிறது   சில சமயம் வாழ்க்கையில், ஒரு ஜன்னல் மூடும்போது, ஒரு கதவு திறக்கிறது. இரண்டு நிகழ்நிலைகளுக்கும் நடுவில் சிறிது நேரம் கடக்கலாம். ஆனால் பொறுமையாக இருங்கள். கதவு திறக்கும். இன்னல்கள், சீக்கிரமோ அல்லது பிறகோ, நமக்கு மேலும் நல்லது நிகழ வாய்ப்புக்கள் தான் ஆகும்.

ஒவ்வொரு பிரச்சனையும் மேம்பட ஒரு வாய்ப்பு தான்       “பிரச்சனைகள் ஏதும் இல்லை, வாய்ப்புக்கள் தான் உள்ளன.” ஒரு பிரச்சனை வரும்போது, நடுங்கி பின்வாங்க வேண்டாம். அதை நீங்கள் மேம்படுவதற்கு ஒரு உந்துவிசையாக உபயோகப்படுத்திக் கொள்ளுங்கள்.

உங்களது சிறந்த திறமையுடன் செயல் புரிந்தால், அதுவே வெற்றியாகும்     நீங்கள் ஒரு வேலையில் ஈடுபடும்போது, உங்களது சிறந்த திறனுடன், ஒரே தடத்தில், ஒருமுக நோக்குடன், முழு கவனத்தையும் அதன் மேல் செலுத்துங்கள். அந்த வேலை பெரியதாக கருதப்படுகிறதா அல்லது அற்பமாக கருதப்படுகிறாதா என்பது முக்கியமில்லை. வேலையை சிறந்த முறையில் செய்வதன் மேல் மட்டுமே கவனம் செலுத்துங்கள். உங்களுக்கு உண்மையான சந்தோஷமும், நிறைவான உணர்வும், திருப்தியும் ஏற்படும். விளைவுகளைப் பற்றி நினைக்காதீர்கள்; ஏனெனில், உங்களது முழு […]